O concello de Abadín é un dos municipios chairegos polos que atravesa o Camiño Norte, cun trazado que discorre pola ladeira do monte Pena dá Roca ata chegar a Xesta. Alí, o lugar de Galgao é coñecido pola ermida de San Cosme dá Montaña, un lugar de culto onde cada 27 de setembro celébrase unha multitudinaria romaría. Na súa fachada pódese ver unha cuncha que convida a virar á esquerda por un camiño que cruza a Nacional-634 para chegar a Gonzán, onde se atopa o albergue de peregrinos e varios servizos, como bares, farmacia e un pequeno supermercado. Gontán mantén dúas feiras ó mes, o primeiro e o terceiro sábado, ademáis de contar con grandes citas anuais como Expogrelo ou a Feira de Santos que é o primeiro sábado de novembro desde hai máis de dous séculos. O 13 de maio celébrase a festa en honra da Virxe de Fátima, patroa da capela do barrio. A parte central da praza está ocupada por un edificio acristalado que outrora se dedicaba á feira de porcino e hoxe aparece reconvertido en feira de produtos da horta. Comparte espazo cunha nave de gando vacún remodelada ao carón e un novo galpón para a comercialización de porcos ao outro. En fronte sitúase o lugar no que nas feiras se degusta o saboroso polbo. A área recreativa é outro dos emblemas do barrio. Moi coidada, como a zona máis urbana, foi acondicionada hai poucos anos.