De Gontán a Abadín unha forte subida lévanos próxima á estrada N-634, entramos a esta poboación polo campo da feira e o grupo escolar. Entramos na Terra Chá.

Á saída de Abadín unha pista que sae á dereita da estrada sobe ata Fernandaño, continuamos deixando ao noso lado Torre. Iniciamos un considerable descenso que nos conduce a Santa María de Abadín e continúa ata cruzar o río Abadín, subindo a continuación a Ponterroxal por unha senda cun marcado desnivel, desde alí, por medio dunha pista en ascenso, chegamos a O Rei, e tras del a Prazas, a partir de aí iniciamos o descenso, entre pistas e carreiros, pasamos xunto á aldea de O Francés e descendemos ata cruzar o río Arnela, tras o cal subimos ata alcanzar San Xoan de Castromaior, descendemos para atravesar o rio de Santa Baia e máis tarde o de Leiras para atravesar a estrada á altura de Martiñán.

Descendemos ata cruzar o río Batán e un suave e continuo ascenso a través de pistas, pouco antes de alcanzar a aldea de Fontao viraremos á dereita para pasar xunto a ela, dirixíndonos aos poucos a través de tranquilas pistas asfaltadas, de novo, á estrada, para alcanzar Goiriz, xunto á igrexa de Santiago e a capela de Fátima.

Saímos de Goiriz seguindo a estrada ata que a uns cincocentos metros sae unha pista á dereita desta que nos conduce á parroquia das Casas Novas e, ao seu termo, á esquerda, tomamos unha pista asfaltada que se dirixe ao Polígono Industrial de Sete Pontes, tras deixalo atrás sortearemos as rotondas de incorporación á estrada e tomaremos unha pista que nos introducirá en Vilalba a través da subestación eléctrica.